كل حاجة بعيدة حلوة ، و أما بتقرب تبوخ ...

قلبي فاضي .. أيوه فاضي ، بس مليان بِـ الشروخ ...

كل مرة سمعت غنوة ، سايبة فيا شئ غريب ...

كل مرة تقول هتفضل ، بعدها دايما تسيب ...

الحياة مش بس كلمة ، الحياة حبة صدف ...

خد و هات و الكل مات ، و العشم مات للأسف ...

وِحدتك ممكن هتبقى ، اختبار يوم القيامة ...

اللي سابك يوم لوحدك ، قُوله مع ألفين سلامة ...

المحبة مش مجرد ، ضحكتين لِـ الله و بس ...

المحبة يعني تقدر ، بِـ اللي قدامك تحس ... "آه و الله"

كل حاجة بتقابلها ، عشها دايما و ببساطة ...

عيشها دايما زي مَـ أنت ، حتى لو عاشوا بِـ ألاطة .

الحياة أسهل و أجمل ، حتى لو هتعيش وحيد

كل يوم بيفوت و تنسى ..تتولد مع يوم جديد .

وِحدتك ممكن هتبقى ، اختبار يوم القيامة

اللي سابك يوم لوحدك ، قُوله مع ألفين سلامة

وِحدتك ممكن هتبقى ، اختبار يوم القيامة

اللي سابك يوم لوحدك ، قُوله مع ألفين سلامة