لِعمري عمري انت عمري .. و باقي السنين

و أول حياتي .. فى حُضنك جنين

و آخر مُقابلة بِلبسي الحزين

و أصدق مُكالمة فى عِز التعب

بحبك و عارف بإنك اكيد

يجوز تبقي ليا و يمكن نحيد

و إنك لو إنتي فارقتي لبعيد

هقول للجميع إني كنت السبب

يالحظه إجابه و ضحكه غلابه

تموت الكئابه فى ضحكه عيونك

و كونِك معايا إجابه لدُعايا

الحب آيه فى حضرة جنونِك

وجودك فى قلبي مسكن جروح

و روحك و روحي أساسهم دي روح

و اول ما عِطرك يبدأ يفُوح

بحس ان حزني خلاص إتغلب

يا كُل اللي فاضل فى كل الحاجات

يا كُل اللي باقي فى قلبي اللي مات

وجودك هدايه و دعوه و صراط

و حالي معاكي بجد إتقلب

يالحظه إجابه و ضحكه غلابه

تموت الكئابه فى ضحكه عيونك

و كونِك معايا إجابه لدُعايا

الحب آيه فى حضرة جنونِك