قافلة موبايلي وفاصلة دماغي
شاده الفيشة مفيش ارسال
تضرب تقلب وانا مالي
بدلت الدوشة براحة البال
فكّوني.. حلًوني
خلوني في حالي انسوني
انا واخدة اجازة من كل الناس
مش عايزة امسك تليفوني
ملقتش حد يدلعني
دلعت انا نفسي وايه يعني
و محدش يقدر يمنعني
من اللي انا عايزاه
دي دماغي ليها حق عليا
من حقي افصلها شويه
من دوشة الناس حواليا
دا يا اعوذ بالله
رايقة و عايشة ولا على بالي
رامية ورايا كلام الناس
قاعدة لوحدي مع حالي
ع البحر ف ايدي عصير اناناس
فكّوني.. حلًوني
خلوني في حالي انسوني
انا هبسط نفسي بنفسي خلاص
شوكولاتة بقى و بونبوني
ملقتش حد يدلعني
دلعت انا نفسي وايه يعني
و محدش يقدر يمنعني
من اللي انا عايزاه
دي دماغي ليها حق عليا
من حقي افصلها شويه
من دوشة الناس حواليا
دا يا اعوذ بالله
