أذتني كتير مش مرضي .. زرعتلي شوك ف ارضي

سيبتي ايدي وكنت بغرق بكرا مراكبك ترسا ف شطي

حبك حرام سوحني وانا كنت ابن حلال مصفي

ياالي شيلتك جوة عيني سهم كلامك كان ف ضهري

..

انا مش هكدب وحشاني بس وصلنا ل حيطه سد

انا سيب خيري ل غيري وباعوا فيا ب سعر بخس

حكينا كتير وقليل ساعات كتير ف شات فضفضه

أول تذكرتين للسيما لسه ف المحفظه

..

السهر كحل الرموش و الحزن جعد الوشوش

انا قلبي مليان ب الخدوش وصحابي مرقدالي جيوش

ماتت .. كل الحاجات جوايا يوم ما سابت

هانت .. لو ع القساوة ف قلبي زادت

..

ياما .. انتي اللي باقيه ويعلم الله

انا لما اكون تعبان بجيلك وانسي الكون ب ضمه

لو كان بأيدي كنت اخد من عمري انا واديكي

يا نور عنيا طبطبي انا راحتي بين اديكي

..

يا سنين .. عشنا الانين دا كتير

عندك افراح بالكوم فا ليه بتصدرى فتافيت

هنا الناس دى مغفلين متعشمين بالخير

كبرنا يا دنيا فيكي وشوفنا اوجاعنا بتتحكى حواديت

..

لا مش شطارة .. تغيب من غير ما اشوف اعذارك

طبقت فى الزمارة وكان لحبي الف امارة وكل غمزة اشارة

وكل حركة ليك بعبارة وكل لمة سجارة

وقلبي الكل شايفه عمارة وشئ فى منتهى الاثارة

..

ياللى انت بتخاف تلمسها لا تتوسخ وتترب

ابعد وسيب كل الحاجات فى مكانها وكل شئ متنظم

واوعاك تتشك فى عقلك الغالى دا ويوم تقرب

اسال طبيب هيصيب يا صاحبي وحلك مالمجرب

..

كله جرب .. قلب الحديد بيصدي

علقتلهم سلامات عالشماعات كسروها و وقفوا ضدي

ولا منى عرفت احيد عن حيرة قلبي وعقلي ولا انى اعدى

فا دوس وعدى يا غياب لاحباب واياك تهدي

..

وانتى اتهني .. حبيبك اهو بيكتب وحزين

تاهين احنا الاتنين عايشين عشق المجانين

وحياتك لابنى ليكي العمر بيت من طوب وطين

وعدين نفضل باقين وبموتنا تموت زهور الياسامين

..

يا سنين .. عشنا الانين دا كتير

عندك افراح بالكوم فا ليه بتصدرى فتافيت

هنا الناس دى مغفلين متعشمين بالخير

كبرنا يا دنيا فيكي وشوفنا اوجاعنا بتتحكى حواديت

..

وقفت براقبك من بعيد والجو اتلون غامق

شوفت ايده ماسكه ايده وشوفتك متلجمه بخاتم

واتوشحتك يااللي غايب غصب عني ساعاتك بشتاقلك

امشي متبصيش وراكي انا حزني ما بيلبقلك

..

ياللي البعاد اساك انا لسه زي ما انا

ازاي سبتيني ع الارض بعد ما طلعتك للسما

لو طول البعاد يهمك خديني نعيش بأرضك

قولولا اشتقتلا كتير انا لسه عند وعدي بريدك

..

وانا متماسك بتهالك ولا بالي كان شاغل باله بابك

ورمتنى جوا بحر بهم صابك سابك اللي زاره صبا من دارك

ياللاسف .. مبقاش ينفع ساعتها اسف

بعد ما كف ايدي اتهري من قهوة لقهوة وصابه الاشف

..

سبنى السعادى.. قول الحبيب ملقتش زيه

ولا فى الفرح لقيت مقاسي ولافى الضحك اني بنسي اضحكله

وقبل ما انسي .. قول للنهاية كسار جاهز

جبل زى ما كان طول عمره لا ريح هتهزة ولا بيتمايل

..

يا سنين .. عشنا الانين دا كتير

عندك افراح بالكوم فا ليه بتصدرى فتافيت

هنا الناس دى مغفلين متعشمين بالخير

كبرنا يا دنيا فيكي وشوفنا اوجاعنا بتتحكى حواديت