الحب نعمة بس نعمة دى اتجوزت :
الدنيا حلوة بس جت عندى وبوزت
صور كتيرة عالرفوف اهى اتبروزت
سكران انا ولا الخيال عامل على عينى edit
كل اللى فارق لما فارق كان عايز يرتاح
خيرك ساب حياتى تايهة على شط الجراح
اللى يخرج من حياتى عمره ما هيرجعها تانى
حتى لو هعيش حياتى بعده تعبان او بعانى
دا كله مسيره هيفارق وكله مسيره هيودع
ولو قلبك صبح دبلان مسيرها فى مرة هتندع
وحتى لو اللى منك كان فى قطم الضهر بيبدع
هيجى اليوم يشوف صورتك يقول يخسارة ليه خسرتك
الجسم خشب مالمرض وفاضلى كام يوم واتعدم
الحزن بالعافية اتفرض والغلب والاه والندم
انا فيلم يوم لما اتعرض ناموا الملوك وشافوه الخدم
حتى الحبيب اللى فضل بعد وساب قلبى اتردم
..
فارقت لحظة .. عشان مكانش ليا امل
وادى كسرة جمب اخواتها يعنى جيت فى جمل !!!
الليل حبنى .. بسهر بغنى بالساعات
عشقت عايش ليك وحبك قلبه لما مات ..!
..
ايه اخرتها .. بتقول على مين بياع احيلتها ؟!
مخترتش تبقى الشجرة متجيش تسال فين ثمرتها
عادى فى بيتها هتغنى بلحن جديد فى نوتتها
دى سابت العزفة ودارت تشحت من زهاد الليل لقمتها
كان بلى بلا هوى .. بنى بيت مالهوا .. خدوا منه الدوا زى غيره اتغوى .. كان لقى واتساوى .. بالارض تراب ولا يسوى النكلة فا سيبها
طيفك مرافقها ..! ولا عمره هيهرب لحظة منها
من امتى الطير بيضل طرق كان رايح جاى سالكها ؟!
واه يا قلمى .. مكانوش ليا وكانوا ياكلوا فى لحمى
كانوا كل ما بسال "فين ارضيكوا ؟" يا خلق بيهربوا منى
وانا كنت كلل الناس بعذر وبقول يمكن فى مشاغل
اتضح ان المشكلة مش فيهم فيا مكنتش فاهم
لا مكنتش غبى .. سبحان من خلى قدرنا سوى
يقدر من همس بعين او لمس ايدين يبعدنا اوى
فا يا غايب ارجع تانى انا كنت بهزر لما زعلت :"
انا عاوزك زى الموج رحال بين مد وجذر .. فهمت ؟
...
فارقت لحظة .. عشان مكانش ليا امل
وادى كسرة جمب اخواتها يعنى جيت فى جمل !!!
الليل حبنى .. بسهر بغنى بالساعات
عشقت عايش ليك وحبك قلبه لما مات
