الكلمات
verse1
طفل صغير قاعد بيبكي في اوضتة
مبين بيطبطب عليه غير امه واخته
وانت اكبر سبب ان دمعة تنزل منه
شال هموم كتير رغم صغر سنو
عمرك ما علمتني .. عمرك ما فهمتني
عمرك ما كنت اب بجد وعايز تضرني
قتلتني لما سبتني ودلوقتي مبقاش انا محتاجلك
تقدر تقولي لما تكبر مين هيقف جنبك
بتفكر بس في نفسك عمرك ما فكرت فينا
شوف انت بقيت لوحدك عمرك ما كنت وسطينا
الطفل الي في يوم قعد عيط بسببك
كبر خلاص وفهم وبقا دلوقتي يغني ضدك
مفكرني هنسئ لما قولت عيالي ماته
واحد باع عياله عشان اتخانق مع مراته
مفكرني هنسئ لما قولت عيالي ماته
واحد باع عياله عشان اتخانق مع مراته
verse2
انا شايف انك قافل بس قولت اسبللك نوت
اقول انك واحشنى واسف انى مش موجود
وانى اسف انى فوت تفاصيل ياما ف حياتك
فوت اول سنة ومجتش فى اعياد ميلادك
اسف انى معلمتكش ازاى تسوق العجل
اسف انى مشوفتكش بتنضج وبيطلعلك عضل
نسيت اعلمك ازاى تنبت حبة حلبة فى قطنة
كان نفسي اكون معاك ونضحك سوا ونعلى صوتنا
اكيد بتسأل شكلى ايه انا شبهك بالملى
انا تانى اسم فى اسمك انت ابنى انت منى
واكيد بتسأل مشيت ليه قبل ماشوفك صبى
كنت خايف اشيل المسؤليه ساعتها انا كنت غبى
انا مش متوقع منك انك . تسامحنى بسهولة
حاولت اصالح مامتك بس قضيتنا مقفولة
بس ااا كان عندى امل ف انك متشلش منى
مع حبى انا والدك لما تفتح تكلمنى
verse 3
جبتلي اكتئاب عيشتي معاك كانت عذاب
قولت عليا بغني مهرجانات يا حاج ده اسموه راب
شتمتني هزقتني وفي وشي تقولي انا بردو ابوك
عيالك الي انت نسيتهم علي فكرة هما كمان نسيوك
عايش في دور المظلوم واحنا الغالطانين
سبتني في وقت الطفولة كان عندي سبع سنين
النجاح الي حققته ده بسبب امي واختي
بس انت الي عملته علمني اكون راجل من صغري
سمعني ؟ زمان مكنتش قادر اتكلم
صدقني انا لو شوفتك مش هقدر عليك اسلم
انت عملت زرعة وسبتها امي كبرتها
عمرك ما سقتها متستناش حاجة منها
كفاية لما سبتني عندي مرض في بطني
واستسهلت وسبت الموضوع امي وقفت جنبي
اقولك علي حاجة سبني في حالي الله يسامحك
ابويا ؟ معرفش حد بالاسم ده انا مش عارفك
Verse4
ببص فى السحاب واشوف صورتك فوقى بخيالى
انا جاى اعوضك ووعد مش هسيبك تانى
قولى عملت ايه فى الامتحنات عايزين مجموع ف نتيجتك
لو نجحت ليك حلاوة عندى يلا انت وعزيمك
حبيبى انا خدت اجازة من الشغل ونازل اشوفك
مش عايز اتدخل و اقتحم بأى شكل حدودك
جبتلك هدية ..بتمنى تكون مناسبة لزوقك
بس جاوبنى بأى حاجة انا نفسي اسمع صوتك
عديت عليك فى الفصل مكنتش فيه تقريباً سبتوا
دخت ولفيت على عنوانك الجديد لحد ماجبتوا
عدا يومين ومجاوبتش على رسايلى
دة حقك بس انا عايزك تفتح بس تطمنى
نزلت وجتلك من كام دقيقة
ازاى دة ممكن حتى اكيد دة غلط مش حقيقة
مامتك قالتلى شئ قتلنى مش قادر انساه
لسه فاكر ! ها ابنك اتوفى البقاء لل
