زي الحمام بيطيرو . لا اتبقي حبيب ولا غييرو

رصيد احزاني ملياررر .. اما ف الفرحة زيرو

وكله بخيره . ربك حدد لكله مصيره

ع فين هروح .. الزعل عارف خط سيره

و كله ب وقته .. عيشوني وهم وصدقته

كرامتي اوله .. قلبي لما اتهان دبحته

..... حبيت الضلمة اكتر م النور .....

كله بيلف ويدور .. كل علاقة بتبقي شهور

وبقييت متكتف . كل شئ قصادي يخوف

غرقوني ب الفشل . وكله قالي قددف

ف عراك طول مابتنفس يدنيا محدش خفف

ف الف داهية همشي.. مش فارقة مين يتأسف

و اصلا مش زعلان .. متعود ع الخذلان

ربك دايما بينصر .. والي مستخبي يبان

وسلام .. قفلت البيبان .. انا تعبان ومليش حظ

انت ف مصر .. يعني كله مضروب ب النقص

-

حكيتلك كل تعبي .

صحبت صحابي ع صحبي ..بقا هما صحاب ونا لوحدي

.. و بختي .. علي الراح وفاتني ..

طالما كله سابني .. انااا لمين بغني .. !؟

-

V2 #Karim_Hany

دلوقتي حضني زعلي , مشيت و ما اتندهلي

غريبه احس ان انا لوحدي .. مش قولتو مفيش فـ قلبي ؟ .

و الوحدة محلتهاش

الدنيا علقتني فـ رقبة حد قاللي مستغناش

و متبقاش انا ليا حاجة انا شوفتك كُل حاجة

قولت اخر مره أكتبلِك ، كُنت بكدِب فاهمة حاجة !؟

كنت كل اما ازعل ملقاش حد احكيله اكتبلي سطر

غرقت فيكي قصد , و اما بعدنا بقيت مش لاقي بر.

قصر, اكيد كلامي اتكرر

كنت زمان لوحدي بس دلوقتي بقيت لوحدي اكتر

و اختلفـنا ! و مكانش فـ بالي ان يطول خِلـافنا

شوفت اللي بعدك نار عشان انا شبِهتك بـ الجنة.

وانا معرفتش ابطل اكتب, لو قولت نسيتك اكدب

و انا مبقيطش طايق حد حتي قلبي علشان حبِك

و انا كـ العادة هنام زعلان , تعرف دي المرة الكام ؟

بقالي شهور منسِتش ازاي قالولي هتنسي بالـأيام

-

فقدت قدرة اواسي نفسي , متزعللش

و اللي حصلك كله بسببي

طيب مبسوط دلوقتي؟

كله تمام انـا بس بحكي عني لنفسي

و انا عن نفسي مكانش نفسي اني امشي , متزعلش

حكيت عنك ليا .. اكتر مـ حكيت عن نفسي

و انا اتبقالي ايه دلوقتي ؟

كله تمام انـا بس بحكي لنفسي عـني

-