متغنيليش ، كل ده إتقال كـتير

انك احسن مـ اللي قبلك بـس الفرق كان مفيش

كتبت 'ليل' و 'قهوة' و كل حـاجة غامقة

كتمت فيـا شوية .. كتبت نفسي لما لقتني 'اغمق'

مش عُذر لـ زعلي .. ولا سبب اني امشي

كنت بشوف حاجات لـوحدي ، دقق و هتشوفها زيي

مش فرايحي.. مطفي حبة و مش بحس بعيش و خلاص

تفتكر اللي اتقتل زمان هيأثر فيه 'الرصاص'؟

الـكون رماني لتعب ، مكتبتش في زعلي

مكنتش عارف احكي ساعتها فـ اختصرت ان انا لوحدي

انا اذي لنفسي ، بنغز فيها بـ التفكـير

حافظ كلام و مواقف بتموتني بـ االبطئ

بالمعني ، حضنِك مصـارش جنه

و اخر شات جمعنا بجد انا محستش و انا بستغني

و قولت سلـام ، و مش جديد ان انا معرفش انامـ

سهرت اعيد كل اللي كان و اتمني ان اللي جرا ما كان

ابان زي الحديد،. ساعات بكون زي الـكمان حزين

مكنتش 'اسرائيل' بقيت زي فلسطين بقيت متدمر

مش بضحك لما اتصور،ضحكتي بتطلع حزايني شويه

مصحيتش كويس زي ما قولت.. صحيت للأسوء

كله حكي فـ وقت زعله .. كنت شايل بس اضّحَك

قولت فاكس و مش هزعل ، لمـ يزرني النوم وهله

لم اكُن حيّا بـ المعني ، انا هنا و روحي تايهة

من زعل لـ زعل ، زي الساعة بلف دايره

و محدش همه ، كالعاده هحكي لنفسي

كانت وحشة لما كُتر شُرب القهوة وجعلي قلبي

كنت بعيد و متنادتش ، و الغريب ان انا فضلت

و مبالغتش لما قولت ان انا حالتي بقت صفر ..

و بانت المشكلة ، فهمت الدنيا بدري

يعني لما قلبي اتعوج ، عقلي شَـد و خدلي حقـي

عيب تِضايقي..هتلف بيكي الدنيا و هتضايقي

عجبي عاللي حجر قلبي بعد ما كان ابيض ملايكي

و لسه فـ قلبي نغزك ، و لسه فـ ايدي وردة

و لسه كل حاجه مكانها ، و لسه بكتم لما بزعـل ..

بخاف اكون لوحدي بس لوحدي عشان بخاف مـ القرب

ياريتنا كنا فضلنا غرب