و الليلادي الحُزن بدأ بدري
كُنت عايز احكـي ..ايه اللي مشّاكى دلوقتي
كان غصب عني اني اسهر بنعس و افـتكر كلـامنا
لما ضحكنا علي اللي بعدو ، و اما قولتي انك مش ماشيه
فيـا عيوب و عصبي و قلبي كان اصيل
لو كنتي زعلتي حبة كنت افرحك،و ابكّي فيه !
و المرادي انا كنت بزعل و انتي مقضياها ضحك
وعد مني بكرة تتغرقي دموع ، و ساعتها هخِف
جبت اخري من الاغاني و مـ اللي بيننا و مِني
من كُتر ما نمت منكِد علشان قولت اطنش زعلي
مراضتنيش شاتنا بس راضتني جوا الحلم
فرحت جدا . . بس صحيت لقيتني لوحدي
و رجعت بيتنا ادور ع اللي باقي منها
مسكت حبة صور بيننا ، هدية كان ماليها ريحتها
و قطعتهـم ! ، و كتبتلها اني همشي
و استغربت انا كنت صح فـا مستاهلش اكون لوحدي
اخر كلام غريب ، دي اللي قالت هستحملك
قالت همشي و حِملَك زاد و انا مبقتش استحمل كده !
سكِت و كان مليني زعل
قولتلها اتمني اشوفك احسن و الكلام إتقفل
كانت جميلة فعـلـا ، و انا بـرضو مش قليل
مش غلطان عشان زعلت ، لكن غلطت علشان عايزك
صحيح بحبك بس كرامتي اغلي منك
يعني لو في ايدك قلبي هدوسك انتي و هو برجلي
و ده مش مرض ، انا بس عشان فتحت عيني شوية
كنت هفرح و ابقي جنب الكل لو فضلت اعمي
بس نصيب ، الضحكه طلعت يوم و ١٠ لأ
كنت مريحك عـ الّآخر و مقضيها زق !
و ازاي هونت ، مكـانش في حيل لـ حب
طبعي يصُد ، مُت فيهم ،بعد شوية قتلني البعد
سيبت موبايلي و نمت و قولت اكيد هتيجي مكالمه
صحيت ع الفجر لكن ملقتش اي رنه
مكانك فاضي و انا مكاني اتملي من قبل ما امشي
بكرة تبقي لوحدك زي ما انا دلوقتي لوحدي
كنت لما افتكرك ازعل ، انهارده ضحكت
مسكت كتير و ايديا فلتت مع الوقت
و افتكرت مسكة ايدك ، عينك و انا بقول هتوحشيني
انا لو عليا اراضيكي ، و انتي عارفه ده مش بـ أيدي
حوار كرامتي ، و دي اخر رسـالة أكتبها
فضلنا سوا مجاش فـ دماغي ان دي تبقي نهايتها
