الكلمات:
يلعن قرف الّي حكى و الّي صدق و الّي خرط
خزق المراي و هو صافن، بزق على حاله و حكى:
انا انسان عايش و قرفان حالي،
لانه طبعي الانساني بالي، هاري حاله
عارض حاله فلمزاد، راح شاريه بسعر رخيص
بلده انهزت؛ لانه أساس النشأة ضعيف
جيلي لفّ السوشيال ميديا مرتين راح راجع بلكيس
الكيس نفسّه الفيّو العيقدة و الدين و التراث
التراث مش بس اشي قديم
خدلك مثال الراب، يعني بكتب شعر حرّ عل beat
بيد من جواك فكرة انّو اتضل اتأمّع
انا بحكي احسن لو أعطيه الدلّة أقلّه لمّع
و الغلط مش بس بلقانون و البلد و الكبت
القص انّو في قوّة، و لسّاها ساكتة عن الحق
راسي دقّ، بدي أحكيلك وضعك بكل سلاسة
بدّي أحكيلك ليش هو رايق و انت فيك شراسة
لانّه بطبعك الفكري بس بتحبّ اتضّل اتقّلد
و ما بتحب تشتغل، بتحب اتضّل مكرِّز
ركز، شوف، اسمع، حركلي حالك
لانه شايف انّو عمدان ركيزتك مالت
ماتت إمّك مبروك فكّر إبفلسطين هسّه
كيف عليها جوّا دخل الإسرائيلي و رسى
إغتصب، عذّب، قتل، و فتّن، و ما فكّر انو في حد ممكن يجي يدافع
Trump: "Therefore, I have determined, that it is time to officially recognize Jerusalem as the capital of Israel"
و معه حقّ؛ لانه الكل عكراسي الجمهور
و اللعيبة فيها كسل، هاد سبب فشل خطّة الهجوم
و الدفاع، الله و كيلك من ال ٤٨ مرتاح
و بسألوني ليش الغضب ديمًا عقلي مجتاح
راسي دقّ، بدي احكيها مرة تانية
راسي دقّ، بحكيها لانه عارف انّه أفكاري فانية
راسي دقّ، صرِّخ و احكيلي مالك
راسي دقّ، إوعك تحكي انها عليك هانت
الكل قرف بحكي سمعنا هاد الحكي ألف مرّة
هاد الحكي تكرر، بلادنا متى بتتحرر؟؟
لمّا نكفّ القذارة الجوّانا بلأول
لمّا نعقل و نبطل نحكي غيرنا علينا فوّل
هالت، مالت علينا حيطة الكون
خد الحيطة من هون
من هاد الراب ولا
هاد الراب وصّل رسالة، غيره قتل
هاد الراب فتل عقل من اله سامع
شاف القضية طلعت منّك، راح راسك خامع
راح فاقع زيّ مولتوڤ فوق أجساد الاحتلال
انسى الورق، إوقف علمنبر، إنزل فيهم إرتجال
لانه لو غلّك من جوّاك خاوة بتاخد احترام
أرقام قاعد بتزيد عل check، عشان يزيد عدد الّي بولادنا بده يقتّلللل
اسم مس مس مع
أقعد مع ستّك و اسمع
خريفة قبل النوم
خلّيها تحكيلك كيف الضبع كبس على خالها بيوم
أو سيدك يحكيلك كيف، الطلق أكلهم
أو يحكيلك كيف شاف نار بدل شجر زيتون
خلّيه يحكيلك كيف بلادك كانت جنّة
خلّيه يحكيلك كيف لعبوا عليها فنّة
نقّوها من بين الكل، لانها بتجنن
خلّيه يحكيلك كيف عليها انا قاعد بحنن
خلّيه يحكيلك كيف عليها انا نازل الّحن
راسي دقّ، بدي أحكيها مرّة تانية
راسي دقّ، بحكيها لانه عارف انّه افكاري فانية
راسي دقّ صرّخ و احكيلي مالك
راسي دقّ إوعك تحكي انّها عليك هانت
x2
