الحقيقة واضحة وضوح الشمس
لكن ممنوع الأقتراب أو اللمس
كلمة الحق في زماننا إنتحار
لو قلتها تبقى ماشي عكس المسار
عندي بدل الأمارة ألف أمارة
مالكوم إكس وغاندي وتشي جيفارا
ماتوا بالرصاص عشان حسوا بالناس
قال إيه كانوا عايزين العدل يكون أساس
جرب تقول حرية أو عدالة إجتماعة
جرب تقول مساواة أو كرامة إنسانية
جرب تقول حقوق إنسان أو تعارض النظام
اوعي تفكر؛ تفكيرك خط أحمر
آخرك هتقدر تاخد عيش
عشان يسكتوك مش عشان تعيش
ولو صممت تمشي عكس الناس
الإجابة هتكون بالرصاص
ناس بترقص وناس بتموت
وأعلى صوت في الحفلة صوت السكوت
ناس بترقص وناس بتموت
وأعلى صوت في الحفلة صوت السكوت
الجهل وحش ومن صناعة الأنظمة
سلاح بينفع في كل الأزمنة
أدي الناس سمكة هياكلوا يوم
علم الناس الصيد هياكلوا كل يوم
العلم نور والنور علينا مش بيعدي
عايشين فى ضلمة والضلمة ياما بتخبي
قتل، حبس، دم، فساد وظلم
إغتصاب لأي حلم عايشين في سجن
ومع الوقت كل حاجة بتعدي
أكل العيش صعب بيخلي العقل يصدي
والخوف سكن قلوب الناس
وبيقتل جواهم الإحساس
يا أهالينا المستقبل لينا
ما تبقوش إنتوا والزمن علينا
جيلكم ساكت ولا عمره إتكلم
دلوقتي جي ينظر ويعلم
آن الأوان الراية تتسلم
ناس بترقص وناس بتموت
وأعلى صوت في الحفلة صوت السكوت
ناس بترقص وناس بتموت
وأعلى صوت في الحفلة صوت السكوت
