مبروك ولادة جيل .. مبروك بقى اسمي

مبروك علينا النيل .. يروي شروخ جسمي

مبروك أنا فرحان .. متلخبط أتكلم

بالريشة و الألوان .. للظرف أنا مزين

كاتب لبكرة جواب .. و بعته لعنواني

واصف في بكرة حاجات .. أتمنى تلقاني

واصف شجاعة جيل .. واصف غناء و مواويل

واصف محبة تساع .. مـ الخلق بالملايين

واصف فانوس مكسور .. من عركة امبارح

واصف ولد بيثور .. عـ الظلم مش سامح

واصف و دمعي يزيد .. لما أفتكر أكثر

واصف و فرجه قريب .. بس إحنا نتغير

---

بحلم كثير أجري و أطير

في سماء واسعة كلها خير

معايا ناسي و أحبابي

و أنسى عذابي

بحلم كثير أجري و أطير

في سماء واسعة كلها خير

معايا ناسي و أحبابي

و أنسى عذابي

---

مبروك و بتمنى .. كاتب كثير جوابات

مبروك و هستنى .. ده العمر لسة ما فات

أتمنى أشوف في بلادي .. العدل شئ عادي

و أتمنى أشوف الحاضر .. يمحي أسى الماضي

أتمنى أشوف الطالب .. حاضن لكراسه

و أتمنى أشوف الظابط .. رافع لفوق راسه

أتمنى أشوف عالم .. و أتمنى أشوف فلاح

أتمنى أشوف الراجل .. في العيشة بقى مرتاح

ده الصبح هو حياته .. راح تحلم إيه تاني

راح تحلم إيه تاني .. راح تحلم إيه تاني

---

بحلم كثير أجري و أطير

في سماء واسعة كلها خير

معايا ناسي و أحبابي

و أنسى عذابي

بحلم كثير أجري و أطير

في سماء واسعة كلها خير

معايا ناسي و أحبابي

و أنسى عذابي

---

إحلم و قوم حقق .. أحلم و أنا مصدق

أحلم و قبل ما أحلم .. الحلم يتحقق

إحلم و قول .. اللي جواك

إحلم و قول .. اللي جواك

إحلم و قول .. إحلم

---

بحلم كثير أجري و أطير

في سماء واسعة كلها خير

معايا ناسي و أحبابي

و أنسى عذابي بحلم كثير أجري و أطير

في سماء واسعة كلها خير

معايا ناسي و أحبابي

و أنسى عذابي