بيقولوا الاغلبية هى الصواب
قريت التاريخ و فهمت الدرس المستفاد
الاغلبية كانت دايما صوت السكوت
و الغش و النفاق دايما حاضر موجود
و كلمة الحق كانت وحيدة وبعيدة
حاربوها زى ما حاربوا اى حاجة جديدة
قطيع كبير انا ماشي فيه من غير امل
احاول اخرج يقولوا اتهبل
قطيع كبير انا ماشي فيه من غير امل
احاول اخرج يقولوا اتهبل
انا مش منـهم
عاوزني ابعد عن كياني واسيب مكاني
واغير عنواني وابيع احلامي
خايفين يعلموني في يوم افهم
دايما يفوقوني قبل ما بحلم
عاوزني افضل جاهل حافظ مش فاهم
واغرق في هموم حياتي وفي رزقي اعافر
قطيع كبير انا ماشي فيه من غير امل
احاول اخرج يقولوا اتهبل
قطيع كبير انا ماشي فيه من غير امل
احاول اخرج يقولوا اتهبل
انا مش منـهم
صبحت عاللي قاعد واللي ماشي واللي راكب.
بصيت لبحرك وافتكرت اموات المراكب.
اه يا زمن كان قاسي قادر بس عاللي حابب.
غمضت عيني واتقهرت من بلد العجايب.
تصبحي على كذبة احلى يمكن يشتريها عقلي.
تصبحي على صرخة اعلى يمكن بيها يرق قلبي.
ييغيب صباحك على اللي كاذب او منافق ناوي يغدر.
افضحي كل الديابة. اكشفيه لو ناوي يستر.
اوحش حاجة لو قررت تبقى عادي... عادي.
تبقى واحد وسط زحمة مالعبيد.
اوحش حاجة لو قررت تبقى عادي... عادي.
تبقى سبب ان حر يعيش وحيد.
ارسم, خط الطريق.
نور, شموع تضيء.
اسند, كتف الرفيق.
كمل, لو مهما كان.
ابلع, ملح الدموع.
اصرخ, ملعون ده جوع.
اكسر, نهر الخضوع.
صابر طول الزمان.
قطيع كبير انا ماشي فيه من غير امل
احاول اخرج يقولوا اتهبل
قطيع كبير انا ماشي فيه من غير امل
احاول اخرج يقولوا اتهبل
انا مش منهم
