قفل أنوار الأوضة وكان بالعافية واخد نفسه
كابوس بيطارده.. والجريمة كانت قتل نفسه
اللوحة ضلمة والرسمة عتمة الحزن ملكه
نور موبايله قاطع حبل أفكاره شكل حد إفتكره
كانت رساله وفيها كلمتين مش قادرة أكمل
أرجوك إمسح صورنا عشان خلاص مش قادرة أتحمل
مسألش ع الأسباب وزي غيرها قال همسحك
وبدم بارد كان الرد أشطا اللي يريحك
هه مش قولت دايمة؟!
مقولتش كلمة حتي.. هي قالت ان وجودها دايم
مش ده اتفاقنا؟
مكانتش حابه..؟
مش فاهمة حتي الفكره ب اني مهما كنت حابب
لو هتسيب هسيب دي لعنة
بتحدي نفسي ف اخرج عن مألوفهم عادي
مش هكون الشخص اللي يشاورولوا ينفذ
هبقي أُحادي
والكلام ده ف الزبالة عشان محدش عاش احساسي
واللي بيحكم علي أفعالي يتجنبني ف انفعالي
ف اتعصب واقطع كل أوتار اعازيف سلامكوا
لموا ايديكوا عشان مشوفنهاش ف وقت ما بنحتاجكوا
ضلمتكم نور ونوركوا مابيكفيش ل هدايته
كان شيطانكوا صالح ظلموا دايما مابيكفيش ادانته
بمسح كل سطر كتبته ..
وأوصف كل سطر شده..
لو لسان الضلمة ينطق يحكي ب اني كتبت نهايته
انا انسحابي اتصنف فترة
بس هروبي اتصنف مخرج
كل دول أفكار جوايا تايهة وموتي ليهم مهرب
ـــــــــــــــــــــــــــــــــــــــــــــــــــــــ
انا وانتا زي صدفة اشكلك همي تقول ده همك
انا وانتا نفس ظروفنا وشكل جرحي بان ف ملامحك
بمد ايدي ترفض
اسحبها تقول مستبيع
انتا التناقض خلي عقلك صدق اني بايعك×2
ـــــــــــــــــــــــــــــــــــــــــــــــــــــــ
كالعادة وانتا ف عز فرحك شايفك لسه لوحدك
كان صعب أحكيلك عني متأمنش ف يوم أآمنك
عيش عبيط عشان تعيش ولو فهمت تخسر عقلك
"انا شايف انك شايف موتك بس مكدب نفسك"
بعيش ف دور من التزييف أغرق ماحد صدق
وانتا كدبك خلي عقلك فاهم اني بحكي عنك
بحكي عني ف كل سطر فاهم بس عامل أهبل
عارف انك شايف اني فاهم بس زيي زيك
ـــــــــــــــــــــــــــــــــــــــــــــــــــــــ.
انا والليل بنسأل عنك وانتي توهتي.... شوفتي
قايلك يوم هتبقي كنتي.... روحتي
انا كنت صح أديكي سيبتي.. عرفتي
انا كنتي ماسكك وانتي ضيعتي×2
