قايلك مـ الأول.. انتي فترة ومفيش شئ هيطول
كان كل شئ مابيننا نسبي..بيبي صعب اللي فـ بالك يتكون
احلامنا كانت طايرة.. كان صعب اني أتطمن
سهل تكونيلي بس صعب اني ابقالك الشخص اللي فـ بالك الوحدة بتموت
وأقول أنا نسيت كل شئ ومش بنسي
انتي لسه وحشاني الموضوع ده بيبوخ
الذكري المتسابة سايباني ومش بهدي
انتي لسه فـ تفكيري مش وشك دي القهوة
بتزورك فـ الحلم فـ تفوق انتا لوحدك
محدش كان جمبك
فـ بتسكر واللمة الكدابة ترجعلك
متساب انتا لعقلك
الضحكة الكدابة بتبان بس فـ عجزك.. الكل كان سايبك.. تزييفك بيقطع ملامحك..
الوحدة مش ضعف والضلمة كانت ملجأ.. محدش ان شايفك..
بره المقارنة وعكس ما اتوقعت انه الباقي كان صعب يسمعلك
الدنيا دوارة وهتلف وهتجيلي من تاني بس صعب أني أرجعلك
ـــــــــــــــــــــــــــــــــــــــــــــــــ
مش انا الشخص اللي انتي حبتيه فـ إبعدي
وجودك كان مؤقت مش هصدق لو توعدي
السكة كانت ضلمة مش هتنور لو تعندي
السكة اللي احنا فيها آخرها لحن من منطقي
مبقتش بحسب اللي ضاع من عمري ليكي
غريبة مكانش بعدك موت بس لسه بتوحشيني
انا مش مريض عشان بعدتي وعقلي كان راميكي
انا المريض عشان أجزاء فـ قلبي مسكت فيكي
ـــــــــــــــــــــــــــــــــــــــــــــــــ
وانسي اني أكونلك الشخص اللي يكونلك
ماعنتش مشتاقلك ونسيت نفسي ف حضنك
مشيتي ومش راجعة الأيام انسي أكونلك
كدابة فـ وعودك والذكري هتدوملك
مقبلتش اني أبقي البديل ومش قابل
ماكنتش شيطان بس برضو مش كامل
ليه جهنم أحضانك بلعاني بالكامل
البعد مش حافز
لو كنتي انتي باقية كنت انا اللي نسيت
انتي بعدك مش ضعف انا لوحدي استقويت
خدت حقي من نفسي فـ العادي استغنيت
انتي حبك كان فرض وعشانك غنيت
لو جاية فـ راجعة ياريت ترجعي
كل اللي فات ده كان كدب فـ اسمعي
انتي بعدك قاتلني والعكس لو شايفة
فـ تزيدي فـ البعد اللي ضارر توجعي
ـــــــــــــــــــــــــــــــــــــــــــــــــ
مش انا الشخص اللي انتي حبتيه فـ إبعدي
وجودك كان مؤقت مش هصدق لو توعدي
السكة كانت ضلمة مش هتنور لو تعندي
السكة اللي احنا فيها آخرها لحن من منطقي
