لسه.. كل شئ بيتلاشي
لسه الفرحة عني متحاشة
الفرصة رايحة للباشا
ليه كل الاحلام دي بتتحول كئابة
عقلي رافض المبدأ
وانتا فـ كل لحظة بتغرق.. فكرة
طموحي فجأة يتمزق
واقف ع الحافة وسايبك فـ المأمن
وطي صوتك عشان بيعصبني
افكارك الساذجة مش قادرة توصلي
مش عارفة توصلني
بتعلي فـ الفاشل وتنزل م الفاهم
قالي يعني لو ميت هخاف لتموتني
هخاف لو هضيع الفرصة من ايدي ومخافش لو ايدك تقرب تقتلني
مش عايزك تفهمني
بتفنن فـ غموضي والبعد مضموني ومش عايز القرب فـ انساني اتجاهلني
تصنيفي مجنون اكتئاب والاصوات جوا دماغي كات قادرة تفهمني اني بطولي ولوحدي
محدش كان جمبي
سواد الدنيا كله اتجمع جوا قلبي ويصرخ صوتي يقول هغني
هحكيلك ألف مرة ع اللي سابني وحدي وتصرخ فيا ده وهمي
بختلف مش بسيط فـ الوحدة تصرخ فيا بقدر عادي أعيش لوحدي
اكيد ما الدنيا سيرك واللي يروح أكيد هيكون بديله بكره جمبي
ـــــــــــــــــــــــــــــــــــــــــــــــ
ألف ايد بتوقعني ولسه ثابت
قالت باقية كانت شمس فـ ليلي غابت
ضعيف وعادي يعني كل حاجة راحت زي آخر ليل ديسمبر كنت فرحان بس باهت
ـــــــــــــــــــــــــــــــــــــــــــــــ
بتعافي من نفسي
محدش له فضل عليا كان جمبي
محدش له فضل عليا انا لوحدي
ودموعي دي تشهد والمطر كان دمعي
