خلوني احلم ياعرب تال الايام
قد خيّبت سود الليالي ظنوني
لاحدن يحذّرني من اضغاث الاحلام
القلب قلبي والشقا من عيوني
اي والله اسهر من عنا الوقت مانام
وأجرّ مع دمعة عيوني لحوني
متعوّدٍ على المشاكل من العام
وضلوعي اقوى من حديد السجوني
مانيب اشاكي كل شامت ولوّام
لاشفت واحدهم !! تضاحك سنوني
وإن لحقت الضيقه مفاتيح الاجرام
وشفت العرب عن حالتي ينشدوني
دقيت سلف وتهت في بحر الاوهام
مانيب لهروج الخمايم زبوني
حاولت في الحظ المكوّع ولاقام
قلّوا مساييري وكثرت ديوني
وانا مااعرف أصد فالموقف الهام
طبيعتي والناس ما يعذروني
عيني مع البرّاق في الشرق والشام
لكن قلبي مع صدوق المزوني
شيخ ماعنده غير قدام قدام
لاثقّلت صكات بقعا متوني
باموت مأجحد فزعته طول الايام
وان صار !! جعل اللهٓ يعمي عيوني
