صاحبي ده الفخامة
كنا ف كتف بعض فرقونا
الله يسامحهم اللي حسدونا
دخلو الشيطان بنا واذونا
اختلف طريقنا غيرونا
صاحبي انت اللي باقيلي
انت اخويا مش زميلي
كنت زي ضلي في خط سيري
بلاش ترمي ودانك لحد غيري
احنا ع الرجوله والشهامة
بس ف اشتباك تشوف غشامة
اتنين بس تحس ان احنا ياما
ف العراك اكشن مفيش دراما
عارف لو في مره خيروني
ياخدوا صاحبي مني او عيوني
ياخدوا عيني قبل ما يسألوني
صاحبي لو خدوه يموتوني
صاحبي ده الفخامة
واللي بينا ياما
لينا ١٠٠ علامه
واللي جاي بتاعنا
احنا ملوك في غابة
ملناش ف الذئابة
منجيش علي الغلابة
لا يبقوا تبعنا
ندخل اي جيهة
بنسيطر عليها
يبقي لينا فيها
بدل الأخ فرقة
بنخلص نصايب
بس عيارنا صايب
اي حد خايب
ياخد ألف طلقة
بص من الاخر افهم كلامي
اوعي تسمع يوم لحد تاني
انت اللي ورثته من زماني
لو بعدت عني اكيد هعاني
انت اخويا بكيفك غصب عنك
انت مني وانا برضه منك
امك امي وامي هيا امك
دمي اللي ف عروقي هو دمك
كفة صاحبي دايما عندي طبة
اصل كفته توزن محبه
كل يوم تزيد غلاوته حبه
عقولنا زي بعض طقة هَبة
ساندين بعض دايما طول حياتنا
مهما نكبر فاكرين زكرياتنا
بيتي و بيته واحد اسمه بيتنا
بنكبر بعض فا الناس كبرتنا
صاحبي ده الفخامة
واللي بينا ياما
لينا ١٠٠ علامه
واللي جاي بتاعنا
احنا ملوك في غابة
ملناش ف الذئابة
منجيش علي الغلابة
لا يبقوا تبعنا
ندخل اي جيهة
بنسيطر عليها
يبقي لينا فيها
بدل الأخ فرقة
بنخلص نصايب
بس عيارنا صايب
اي حد خايب
ياخد ألف طلقة
