[9:12 AM, 10/1/2017] Faisal Saud: اجل ناسي .. ما تذكرني .. عليك الله بس اكبر

ابد ما احتري تمرني

ولا توقعت ما تذكر

انا ما ارضى تنكرني

فلا تتجرأ و تنكر

اذا انك مو معبرني

ابي تسمع و تتفكر

بعد ما كنت آسرني

و علي تغلط و انا اغفر

ماعادت عينك تغرني

و قلبك ماهو الأطهر

وعدت انك ماحتضرني

و شفني اليوم منك انضر

اذا حاسس بتقهرني

ابي تحاول بعد اكثر

انا لي رب ينصرني

على الظالم و من به شر

ياخي ماعادك تهمني

آسف لو الحكي يقهر

ماعاد وجودك يسرني

غيب اكثر اذا تقدر