يا ساكن العالي
طل من العالي
عينك علينا
على أراضينا
رجّع إخوتنا وأهالينا
من هـَ السهل .. الواسع
الـ ممحي .. بصوت المدافع
إيدينا مرفوعة .. صوبك
متل الشجر العاري
اللي ساجد بالبراري
يا رب
عن عتبات بيوتنا .. عتبات بيوتنا
منندهلك تحمي بيوتنا .. عتبات بيوتنا
عينينا تصرّخ عَ بابك
ركعنا بْهـَ الليالي .. ركعنا بْهـَ الليالي
وصرنا دمع الليالي ..صرنا دمع الليالي
يا رب
عنّا بيوت سطوحها .. علّيِّة ورا علّيِّة
بوابها مفتوحة .. للشمس وْ للحريِة
يا ساكن العالي
طلّ من العالي
وطيّر الحمام
عَ طْراف الإيام
وقدّرنا ننام
عَ إيدين السلام
