ماريّا :كانت على هاك العريشة تتكي ...وتحكي حكي العشاق ويطول الحكي
ولمّا عصافير المواسم يهجروا ...يهـب الهـوا ويعنّ ع بالا البكي
الجميع :يهب الهوا ويعنّ ع بالا البكي
سعد :كانت هاك الحلوة بعمر الولدنة
الجميع :الولدنة
سعد :تبقى بعقد الياسمين مزينة
الجميع :ومزينة
سعد :تقلو حكيلي ع المحبة والهوى
تـ إلحقـك ع آخر شطوط الدني
الجميع :تـ إلحقـك ع آخر شطوط الدني
سعد :أو و و وف أو و و و ف أو و و و ف
راحو اللي حبو راحو ...والعاشق لمّ جراحو
دخلك وين دموع العين بهالعينين بيرتاحو
الجميع :دخلك وين دموع العين بهالعينين بيرتاحو
ماريّا :حاكيني وخلّيك بعيد ...وحاجي تغزل لي مواعيد
وياخوفي لا الشوق يزيد ...وهالقلب تجن رياحو
الجميع :دخلك وين دموع العين بهالعينين بيرتاحو
سعد :ياحلوة لاتخافي كتير ...تشرّدنا بهيك مشاوير
كبرتي وحبيتك بكّير ...وخـدّك لوّن تفاحو
الجميع :دخلك وين دموع العين بهالعينين بيرتاحو
ماريّا :أو و و ف أو و و ف أو و و ف أو و و ف أو و و ف
ويلي من حال العشّاق ...بتحـسّ بخاطـرهن راق
بيضلّو عـتوبة وخناق ...وكل مين واقف ع سلاحو
الجميع :دخلك وين دموع العين بهالعينين بيرتاحو
سعد :أو و و و و و ف ميلي
بخصرك ميلي لامو اللوّام ...ومازال انتي مقابيلي كيف بقدر نام
الجميع :ميلي بخصرك ميلي لامو اللوّام ...ومازال انتي مقابيلي كيف بقدر نام
سعد :تبقي مرقي لك مرقة والتفتي لفوق ...واكتبي لي شي ورقة ياست الزوق
الجميع :واكتبي لي شي ورقة ياست الزوق
سعد :وحاكيني ولَنّو سرقة وطفي هالشوق ...هدّتني سنين الفرقة وهربو الإيام
الجميع :ميلي بخصرك ميلي لامو اللوّام ...ومازال انتي مقابيلي كيف بقدر نام
ماريّا :دخلك لاتطل قبالي خلّيني روق ...لاتفوّقني ع حالي مابدّي فوق
الجميع :لاتفوّقني ع حالي مابدّي فوق
ماريّا :وياشعر الحلوة الغالي وقدّ الممشوق ...اللي حالتها هالحالة ليش بتنلام
الجميع :ميلي بخصرك ميلي لامو اللوّام ...ومازال انتي مقابيلي كيف بقدر نام
سعد :ياسعد الناس الـ سعدوا بملقى المحبوب ...والولف الناطر وعدو يشقى ويدوب
الجميع :والولف الناطر وعدو يشقى ويدوب
سعد :قالو لي توب وبعدو مش قادر توب ...ستفوني جمعة وبعدو الخير لـ قدّام
الجميع :ميلي بخصرك ميلي لامو اللوّام ...ومازال انتي مقابيلي كيف بقدر نام
ماريا :حبك خاتم ياقوت بقلبي بيرنّ ...وسنين العمر تفوت وهالعمر يجـنّ
الجميع : وسنين العمر تفوت وهالعمر يجـنّ
ماريا :ومازال الليل سكوت وبعدك بتحنّ ...إن ماسهرنا ببيروت منسهر بالشام
الجميع :ميلي بخصرك ميلي لامو اللوّام ...ومازال انتي مقابيلي كيف بقدر نام
