طواريي و احاسيسي وضحكاتي .. ينادونك
انا .. تعبان من عالم تجاملني واجاملها
يامكثر ما اسمع من الناس شخبارك ووش لونك
ومن لسانك ياليت انها تقبّل .. لاجل اقبلّها
لقيتك وانت من يلقاك غصباً عنه يصونك
بـ عقلي ما اقدر اخونك وبـ قلبي ما اقدر اخونك
انا ماقبل تسويها .. ولا اسوي اللي ما اقبلها
لو القى مثل شكلك كيف ابلقى مثل مضمونك؟
ولو القى لي مشاعر .. كيف بشعوري ابدلها ؟
انا مانيب متصور اعيش العمر من دونك
تخيّل .. اني ما اقدر في خيالي اتخيّلها
طبيعي لو يكون الوقت شاكر لك و ممنونك
محد غيرك ليا من شانت ايامه .. يجملها
ماتدري وش تسوي فيني رسالة تيلفونك
لو انها جرح يغفر للرسايل .. حب مرسلها
احبك وادري ان غيري كثير اللي يحبونك
انا واحد .. واحبك اكثر من الناس باكملها
تصوّر من كثر ما احاول اني ما اخلف ظنونك
احس اني خذلت الامه .. اليا جيت ابخذلها
على لحظة لقاك الله يصبر قلب مفتونك
ياحلو اللحظه اللي تعيشها وانت اتأملها
يجي للسالفه رونق ليا منه انخطف لونك
فـ اذا ودك تقصرها .. انا ودي تطولها
عمت عين الحسود وخوفي انك تعمي عيونك
تكحلها .. وربي يوم سواها مكحلها
عسى وجهي بعد بعض الوجيه اللي يشوفونك
وعسى وجهك بعد بعض الوجيه اللي .. اقابلها
