الوصل طب القلوب وقوت

عقب البطا يشبه الجنّه

والصد بين العرب ممقوت

مثل الضما ابلاهب الكنّه

أشتاق له والعمر موقوت

وأهواه وأغليه وأحنّه

مو بس أحبه أحبه موت

يا جعلني ما انحرم منّه

غلاه باقصى الحشى مثبوت

أموت ولا أبتعد عنّه

يا جعلها فرصتن ما تفوت

في شوفه العين ممتنّه

من حد بيشه الى تاروت

مثله مع الناس ما أظنّه

والشام والمغرب وبيروت

ما فيهن اللي تعدنّه

وش هالجمال ويا زين الصوت

ان جيت أحاليه وش كنّه

همسه يخلي الحضور سكوت

كل المزايين يفدنه

امضمرن والخصر منحوت

متميزن من صغر سنّه

وريقه حلا والشفايا توت

يستخرجون العسل منّه

والثغر درٍ على ياقوت

لا شافها التايب أغونّه

ان غاب كني وسط تابوت

وان عاد عقب البطا جنة