واعزتي له من سهر جفنه الليل
قلبه يحب وما لقى له دليله
واعزتي له هل دمعه كما السيل
ما حد درى ش اللي في قلبه يشيله
يا طول ليله مارحم قلبه الويل
شايل حمول الهم فوقه ثقيله
يا طول ليله ليت له يا عرب حيل
حتى الصبر ما عاد له فيه حيله
روحه عليله ضاق به الحط والشيل
هم وراه وهم اقبل يجيله
روحه عليله وش بقى عاد يا ليل
ارفق عليه ان كنت راعي الجميله
واعزتي له من سهر جفنه الليل
قلبه يحب وما لقى له دليله
واعزتي له هل دمعه كما السيل
ما حد درى ش اللي في قلبه يشيله
