عليك من البها شالٍ يدفي متنك البلور

وفوق الشال لك بشتٍ كتب له ربي الضمه

وانا لو كنت انا بشتك وربك يا الزهى المنثور

لا اضمك ضمة اللي له سنه ما شافته امه

عليك من البها شالٍ يدفي متنك البلور

وفوق الشال لك بشتٍ كتب له ربي الضمه

واشب النار فظلوعي إلين اصير لك تنور

إلين البرد ياروحي يقول شجابني لمه

واخلي ذا الهبايب لك نسانيسٍ تهب سرور

إلين اتصير ذاك اللي شعور البرد ما همه

عليك من البها شالٍ يدفي متنك البلور

وفوق الشال لك بشتٍ كتب له ربي الضمه

عسى ليلي ولا يصبح ولا يطلع علي النور

اذا ما كان ذا الآمر على شانك انا اتمّه

انا اصف الكواكب لك حبيبي لو تبي بالدور

واذا خاطرك في نجمه ابد ترقالك النجمه

عليك من البها شالٍ يدفي متنك البلور

وفوق الشال لك بشتٍ كتب له ربي الضمه

واجيك مكتف ايديني كأني يا بعدي مخفور

غرامي فاتح ازراره وقلبي مشمرٍ كمه

وابادر بالغلا اللي بي طمر آخر مدى للسور

واضم اطرافك الخجلا عساها تطوّل الضمه

عليك من البها شالٍ يدفي متنك البلور

وفوق الشال لك بشتٍ كتب له ربي الضمه

كتب له ربي الضمه