انت عشق لو حصل لي ماحصل لي
مطلبي لا فيك شك ولا استخاره
انت درب لو تركته ضعت كلي
وانت فرصه لو ابهدرها خساره
ايه احبك قد ماتطري ف بالي
وقد ما اشتاق لك مليون مره
انت في عيني وفي قلبي المثالي
كامل بعيني نعم والكامل الله
اقترب مني ترى بعدك اخافه
خلك اقرب من هدب عيني لعيني
الرجا لا طال ب الخاطر اعافه
وانت لو عفت البشر مزروع فيني
فيك راضي لو زعل هالكون كله
انت حاضر دنيتي والناس ماضي
لو تاشر طار قلبي من محله
مطلبه يرضيك لو زاد اعتراضي
من يحبك ياحبيب القلب غيري
في وجودك تشعل احساسي محبه
لو مضى عمري بدونك وش مصيري
ياللي ماغيرك من العالم احبه
اه ياللي ماتشوف العين غيرك
وان نبض قلبي نبض لجلك حبيبي
ايه ابي وصلك مع شرك وخيرك
جعل ماغيرك من العالم نصيبي
