الف شكر على اللي عشتوا
اللي مفيهوش يوم سعاده
انت استاذ في الاسيه
ايوا انا اشهد لك شهاده
تستحق عن جداره
حامل الالقاب بجرحك
ضاع عليك العمر كله
ومستفدتش استفاده
وادي اخرة صبري عليك
وادي الباب اللي يودي
انا عشت معاك أيامي
كأني انا عشت لوحدي
وبناقص من معرفتك
جت بخساره عليا
سلمتك قلبي آمنتك
وده شئ مش في محله
واهي طلعت بقي عينتك
من الناس اللي يقِلو
وكمان ليك عين ترفعها
وتبصلي في عنيا
طب يالا يالا وقت وخلص
قال حب قال ده بطلناه
قولولوا وهو ماشي ياخد الباب وراه
دانتا اللي زيك يتنسي
وانا قلبي جمدته وقِسي
خليك لوحدك امشي واتعب في الحياه
لو لسه فقلبي مكان
عمره ما هيبقى عشانك
ابعد خليك تتعذب
وتعيش مع أحزانك
اديتك حب سنين
ومخدتش غير اوجاع
على فكره انا بعدك هبقى بخير
اوي يعني اطمن
ده انت في جراحي
كنت بترسم وبتتفنن
وملكش خلاص جوايا
غير اوجاع ووداع
طب يالا يالا وقت وخلص
قال حب قال ده بطلناه
قولولوا وهو ماشي ياخد الباب وراه
دانتا اللي زيك يتنسي
وانا قلبي جمدته وقِسي
خليك لوحدك امشي واتعب في الحياه
