ليه أرتاح بعد ما راح

ليه أيامي تكون أفراح

ليه ما أمسكش النار بإيديا

ليه مايكونش لقلبي جراح

..

الليالي من غرامه توهتني

والظنون في حبه ياما حيرتني

وأما فكرت ولقيت روحي ظلمته

الندم خلاني أبكي وأقول يا ريتني

من ساعتها قلبي بيدور عليه

مش حيهدأ إلا لما حيلاقيه

وأعمل ايه أعمل ايه .. أعمل إيه

..

كانت كلمة حلوة مني بتراضيه

كنت أبيعه في لحظة وأرجع اشتريه

عمره ما إتألم ولا حتى اشتكى

مهما كانت قسوتي بتزيد عليه

وفي لحظة واحدة التقتني بهجره

واللي جرى ما بقتش قادر أفسره

وأعمل ايه أعمل ايه .. أعمل إيه

..

كنت فاكر إنه خاين في غرامه

وافترقنا والخصام زوّد آلامه

ياما حيّرته وسهّرته الليالي

ياما كلمته ولا سمعتش كلامه

ليه ماليش مع القلب الطيب نصيب

ليه أعيش في الدنيا دي زي الغريب

وأعمل ايه أعمل ايه .. أعمل إيه

..

أي جرح في دنيتي ممكن يطيب

إلا جرحه مالوش دوا ولا لوش طبيب

كل ده علشان لقيت القلب حبه

والعيون قالت عليه أوفى حبيب

..

الغريبة إزاي قدرت أهجره

واللي حصل مابقيتش قادر أتصوره

وأعمل ايه أعمل ايه .. أعمل إيه