بين نار الحنين و بين برد الليال

قمت ادرج قدم رجلي على هونها

ضيقة الصدر مدهلها صدور الرجال

مير لولا الهوى ما باح مكنونها

من بكى فقد ريميه عريبة خوال

كل دمعه عليها ، لا تلومونها

جادلٍ حرمة وصلي و وصلي حلال

عاقد حبال الامال بـ حبال الوصال

اثر من حبها ما يقدر يخونها

من كثر ماني بـ محتاج كلمة تعال

صرت احس الاوادم ما يقولونها

من عرفها يعرف ان الجنون احتمال

اتركو سالفة ( ليلى و مجنونها )

طاغيه بـ الانوثه و الحسن و الدلال

تامر و تنهي بـ نظره من عيونها

شبه وضحاً عليها السوم فوق الخيال

روق عيت عليها و احتمت ، دونها

من مكاسب بني عمي بـ وقعة طلال

وقعتن كل خلق الله ، يعرفونها