هكتب روشته للسعاده وع الاحباب هلف
اللي دمه تقيل يا ساده يتبرع بيه يخف
السعاده اراده مش كعب قهوه ساده
بشوية سكر مثلا طعمه يبقي زياده
السعاده مش قرار السعاده اختيار
محتاجه مجهود جبار وعزيمه مع اصرار
عند الدكتور مش هكشف ولا ع الشيوخ هلف
ولا هفتح الكتاب ولا حته اشوف الكف
هعمل لحياتي تصفيه واعيد حساباتي من تاني
اصحاب الطاقه السلبيه هشطبهم من كتابي
وعشان امراضهم معديه هقفل ف وشوشهم بابي
وللي يريح قلبي من خيري ياما يشوف
وللي يتعب قلبي افارقه ب المعروف
ولو ف السكه قابلته انا مابقتشي اشوف
هكسر الملل بالجهد والعمل
واجبيلوا شلل ف الرجلين والايد
واعلم قلبي الرقص وارقصه ع الساكس
وان شفت الهم معدي
اجري واوقف تاكس واهرب منه بعيد
لو هكمل نص ديني زي كل الناس
مش هاخد الكئيبه لو معاها ياقوت وماس
يرزقها ب 100 مصيبه ولا تبليش حد من الناس
واللي تهني تتشال ف النني وكمان ع الراس
لو زارني الحزن مره مش هخاف ونخ
ودي تبقي اخر مره عشان انصبلوا فخ
وارميه لابعد مجره واطخه بايدي صخ
واطخه بايدي صخ واطخه بايدي صخ
مش هادور عاللي راح ولا هندم عاللي فات
وهخلي البال يرتاح من كل الحسابات
وهروح كل الافراح مش اعزي ف الجنازات
علي ايه ازعل واتنكد منا رايح للاموات
لو سمعت غنوه حزينه هقلب المحطه
لو كلت اي اكله مش اكل الاونطه
وكل صباح جديد اعمل للفرح خطه
ع المدي البعيد
