بلحظة الزمان انهار

وتغيّر المشوار

لا دار لا زوّار... لا زوّار

وللقمح ما في كوار

وشتّت الدنيي نار

يا رب، يا ستّار... يا ستّار

وما ضلّ باقي بهالمدى غير الوجع زنّار

وتغيّر المشوار

تخايلت صورة طفل عم بينام

حد إمّو وما حدا لمّو

ما عاد عندو لا دفا ولا حرام

ومكسور خاطر بيّ ما شمّو...

ودار الزمار وصار

نعيش الدني أسرار

وعطر الأمل أنوار

ونشوف بين صبح ومسا

دارنا رجعت دار

من أوّل المشوار

تغيّر...

-----

كلمات: وفيق نعمه

موسيقى وإنتاج: فادي أبي هاشم

غناء: طوني متى