برج عالى
أنا هفضل أقول إلى قلته زمان
أنا هفضل أنا مع إختلاف الزمان و المكان
بقول كلمة حق
قلبى مازال فيه دق
لسة مامتش
و الأحلام إلى بحلم بيها
ما أنتهتش
عاش، عاش
ميعاد موتى لسة ماجاش
قبل ما أحقق إلى بنيته
كل سور قدامى هدديته
مش كلام أنا إتمنيته
بالعقل
الكلام ده سهل
الأفعال هي الأصعب
أنا هنا مش بلعب
الدنيا ديه حرب
و أنا إلى هغلب
في الحرب هكسب
المكسب بييجى بعد جهد
كان بينى و بين نفسى عهد
وعلشان عفرت
و لحلمى صنت
أنا إلى فزت
أنا إلى قلت هعمل
و عملت
وقعت قمت تانى
و لا أستسلمت
و لا مرة نمت
و صحيت
نسيت
بإيه حلمت
و لا مرة لمت
و لا مرة عاتبت
مابقولش عادى
لأ تعبت
بس فرحت
يوم ماشفت
إنتصارى
أنا أصبحت
سيد قرارى
كنت
بدارى الحزن
كل يوم في دارى
و لا حد دارى
كل حد فيكم
كان عامل
أدرى بحالى
و لا فارق معاه
إيه جرالى
دلوقتى
شوفوا أنتوا مين و أنا مين
شوفوا أنتوا فين و أنا فين
ببصلكم من برج عالى
