كي دوك لي يجوبو لمقابر وراضعين محليب الموت
قاعد يتمتم فالأمر جند للدنيا جنود
معشوقه ظلام اليل ما عنده بياض العين
يتمشى كاره الذات ما عنده كرم الريف
صبعه الثالث و السابع مقطوعين ليلة الدخول
شارب المر و ماكالح من ذاك البير الممنوع
شا قال السارد للشارد احرق الي هو نابت
ما يدوم الشي غي شر البشر لي قاعد للأبد
غيوان القايلة و الريح ديوان المايدة لي دور
فطوره لحبالي والزيت كلامه مالكنز المكنون
ينوض في عيطة الذيب يرقد في كابوس الحق
تعلم النجم يصدق ما يثيق في صانع الطريق
ما يبيع شي لي يورق يسمع لي كلام الموج
لي شابع طيحة و الدق فالعدة يبدى بالزوج
غايب الظن و البال فالدجى لي يرى للوان
لي عرف الصمت دى الفال وقرى لي انتايا ما تقول
--------¤----------
شاكان داك
وا اتدور مكلام داك
--------¤---------
دروبه حيطان وعقبات كاتب بالدم المصمود
يونس الجمرة بالنار يكالم الحجرة بالجود
عياله العالم و الشاك و فاطمة جات ثلوث
داره ما كاري ما باني دايرها دنيا لي يجوب
رافد المهراز و ساري منه لي جايب لحكام
فالنبرة يطيح القحطاني و بالجمعة هجروا لريام
عارف لجبال و لوطى العوام ما يطيق للزخار
ما يجيب الكامل ما يبطى عارف لبنادم دمار
العامر يجيك قليل كتبة خلاها فالتراب
الصبر لي قراها غلاط و اقلب الباء بالصاد
لي عنده سبيل يصون لي عنده حبيب يحضاه
سرك خليهلك محصون و تحيض الدنيا مرات
الجوجمة يجيبها لقمر لفراتن يصلحوا الريش
طغات الحمى و اهدر هترف غي بحرف الميم
لي واقف بسرسور الظهر يطيح في ذمة الشأن
حتى لي مات وما قر ما غير غير للغراب و للواد
--------¤----------
شاكان داك
وا اتدور مكلام داك
