أنا اللى بقيت على العشرة لناس قشرة قليلة أصل أنا اللى آمنت ناس صفرة وشاف حسرة وداق المر
أنا اللى قاسيت وعمرى فيوم مرديت شرهم بالشر وشوفت كتير أذى ومواويل ولا بوحتش فيوم بالسر
أنا اللى آمنتهم ياما على حالى وعلى مالى أنا اللى صحابى ردولى جدعنتى بالعذاب والغدر
جبل الصحاب إتهد ولا حد نافع حد
قدمت ياما السبت ولا
ولا شوفت خير من حد
كله غنى عالصحاب
وسمعنا ياما من الهوايل
اللى كان صاحب جدع
وبخته ويا أصحابه مايل
واللى خان وباع صديقه
واللى سابه فوقت ضيقه
واللى صفا دم صاحبه
وسابه قدام عينه سايل
إن جيتوا بقا للجد
بقا بينا حيطة وسد
جبتم منين كل الفجور
والغل ده والحقد
كلوا خيرى ياما مقدروش
إخلاصهم أنا ده مشفتهوش
رمونى وفإيد الغريب
باعونى وبأرخص قروش
وقعت وفشلة عصابة
ميعرفوش معنى الطيابة
وهدوا كل اللى بنيته
وخلوا سيرتى على الربابة
مش عاوز أصاحب حد
قرفت منكوا بجد
ياصحبة ضالة ياناس خسيسة
أنا منكوا والله يأست
أصحاب دى إيه مبقيتش أشوف
ميجوشى غير لو فيه كيوف
مبقاش فى نخوة ولا ضمير
ولا عشرة ولا عاد فى كسوف
صحابى ياما ومن سنين
فأى قصة بقول آمين
وغدروا بيا إزاى وليه
دول طلعوا خونة وكدابين
