نشد عن احبابك وعلّم من نشدك
أنا وقلبي والمعاليق ادخلا
يا مكثر الضيقات بدروبي بعدك
دنيا مهي دنياك مافيها حلا
وين انت دوّرك الخفوق ولا وجدك
ولا جاز عنك ولا استخار ولا سلا
وين انت ماكن بوطن شوقي شهدك
وماكن صدري بالتباريح امتلا
تعال ونلم النسايم في وعدك
ماعندي أغلا من غلاك ولا غلا
ونسمّي الحزّات تبشر في سعدك
وندني لأدنى نبض فينا ونعلا
وعذري لعيني كلما اتلفها سهدك
عينٍ لها خلاّن ما فيها بلا
ريّح ملايكتك ولاتكلّف جهدك
والله لا قبلك ولا بعدك ولا
