يا سيد العشاق
الشوق حِمله شاق
أشتاق لإستنشاق
عطرك على ثيابك
لك قلبي الخفاق
كم طار في الأفاق
وإخفاق بعد إخفاق
ويش صار ويش صابك
من زحمة اشواقي
واقف على ساقي
ضاقت بي أخلاقي
يوم انقفل بابك
ليه تقسى ليه تنسى
كل الايام القديمه
خِلك امسى دون مَرسى
وانت مرساه ونديمه
لا انت ناسي بعت ناسي
لك فِداك بدون قيمه
رغم بُعدي صُنت وعدي
واحتملت أشياء أليمه
يا الرُومانسي صرت مَنسي
والهواء احرقني جحيمه
كان ودي ما تعدي
كل الأشياء العظيمه
كافي هدي دمع خدي
ما توقف مثل غيمه
بعت ودي بحت سدي
وارتكبت أكبر جريمه
اهتم فيني اهتم
واشفق وقلي تم
شَمْل القلوب إلتم
أرجوك لا ترتاب
جود بالوصل وارقى
يكفي كفى فرقا
عيني عليك غرقا
بُعدك تلف الاعصاب
واللي خلق ذنون
اني عليك مجنون
يا سري المكنون
جرح الهوا ما طاب
جيت راجي طرف ساجي
والهواء ذع ذع نسيمه
لا تجافي قلب صافي
ينبض بحبك صميمه
والنوايا يا مُنايا
كلها نحوك سليمه
غبت عني وانت معني
تسعد الروح اليتيمه
عفت نومي طول يومي
ساهر ونفسي سقيمه
حر كبدي طال وجدي
عاقبة صدك وخيمه
خذ بيدي دل واهدي
لجنة العشق ونعيمه
واشفي الروح من عنا البوح
عقبك احلامي عقيمه
