مرحبا ياحي بسماتك
يا غنات القلب وافراحه
من بقلبي يسوي سواتك
بالغلا خذيت مفتاحه
يا وليفي خف لفتاتك
دامك الاول على الساحة
حطني ما بين نظراتك
خلني عايش على الراحة
لان ربي زين صفاتك
للخلايق دوم وضاحة
عينك وخدك ووجناتك
خلت الاخزان منزاحه
الشفق لونه من شفاتك
والرموش العوق ذباحه
ضحكتك وحكاك وسكاتك
طب قلبن زادت جراحه
روف بي عن كثر غيباتك
خل قلبي يحصد ارباحه
وارحم اللي في ملاقاتك
تكتمل في عمره افراحه
