غاب وجفى ثمّ اختفى

وين الوفى يومي وفيت

طعنة ظهر والله قهر

تو ما طهر جرحٍ يميت

وصله عدم شلّ القدم

ما به ندم دامي هويت

دمعي نزل جسمي هزَل

هو لا يزَل مهما بكيت

بيْده قلبي مشلوع

من غاب اقفا به

وانا ملطوع

راح وما جابه

طول اوقاتي موجوع

من ليل غْيابه

سهر ودموع

كلّه بأسبابه

انا اللي ماشيٍ درب المحبه

حسْب قانونه

فجعني بالغياب

اللي بدمعه غرّق جْفوني

اذوق الموت ما بين الفراق

وحرقة غْبونه

حسبت انه فرح قلبي

وهو من سبب غبوني

النفسيه راحت فيها من الشوق

والفكْر مشتّت من كثْر التفاكير

لا هي فالأخلاق ولا هي من الذوق

خلّاني متعلّق وبْلا معاذير

مخنوق بضيقه في صدري ومشنوق

مكسور الجناح بهجره وما طير

قلبي متقطع من صدّه ومسحوق

والحب أزمه لا ما عدّت على خير

ابطى وصله مقطوع

على الله حْسابه

وانا مخدوع

حالي يحكى به

طول اوقاتي موجوع

من ليل غْيابه

سهر ودموع

كلّه بأسبابه

ترك حبّي وراح لْناس

ما كانوا يحبّونه

وخلّى من كرهنا

من بعَد فعله يواسوني

صراحه ما توقّعته

يعذّبني على هونه

وانا اللي فاقدٍ عقلي عليه

وباح مكنوني