هذا الوطن بمحمد الفخر مصيون
ساس السياسه والفراسة ولفكار
بو خالد اللي باسمه النصر مقرون
وان كثرت الاشوار يندر بالاشوار
سيف لنصرة صاحب الحق مسنون
واسناد للمضيوم والضيف والجار
هداته ابعد عن مدى لي يهدون
طلاع مناع وصناع لفكار
هذا الاسد وحماه مامن ومامون
دونه حمم دونه همم دونه اعمار
لفته من محمد بها يخلف ظنون
ووقفه من محمد مثل طود سنجار
وكلمه من محمد بها ترجح وزون
ومده من محمد على الكل مدرار
وهقوه ف بوخالد مثل كنز مخزون
شيخ به تقوم المهمات لكبار
نكحل به عيون ونعمي به عيون
لولاه بادتنا عواصيف الاعصار
يخطي خطا الواثق ومسعاه مضمون
سار بطريق فيه زايد قبل سار
ملطاف مضياف وعلى شعبه مزون
ريف الضعيف وظل وارف على الدار
من روس قوم ع المنايا يوردون
نهار تاتي اخبار وتروح اخبار
