غيرك في قلبي ماسكن شخص ثاني
مارام قلبي في غيابك يخونك
ميناك قلبي و انت لي مواني
ارسي على بحرك و اهيم بفنونك
عانيت منك و انت مني تعاني
اشكي فراقك و انت تشكي شجونك
حبك حبيبي في الضماير كواني
كل الجوارح تشتكي من طعونك
لو باختياري ما افترقنا ثواني
لا عشت لحظة يا حياتي بدونك
الحال عقبك صار ناحل و داني
لو شفتني بتسيل دمعة عيونك
في غيبتك اشرب مرارة زماني
قلبي و عقلي من العنى يشتكونك
يبغون منك عطف و الا حنان
عطف المحبة يعل ربي يصونك
ادمنت حبك و استحل بكياني
لا اقدر اعيش العمر لحظة بدونك
