يا شاغل فكري وقلبي عن الناس
مابيك تسأل ليه قل اتصالي
خلك معي واسمع قصيدة من احساس
احساس غالي مرسلة يم غالي
من شهر تسعة ما خطف طرفي نعاس
وان نمت شفتك ساكناً في خيالي
شربتك من الحب كاسا وراء كاس
واشغلت فكري فيك واشغلت بالي
غلاك في قلبي ترا ماله قياس
لاتسال من الحب حبك خيالي
تغريني من الخصر لاهامة الراس
جسم يميزه الترف والدلالي
الله عطاك عيون خدرا ونعاس
تذبح عشاشيق الهوى ماتباالي
ورموش عينك كنهاا صف حراس
من ناظرك صارت يمينه شمالي
خصلات شعرك كنهاا قطعة الماس
ااشقر على لمتاان شكله خيالي
شفني حجبت اجمل قصيدي عن الناس
وارخصته لعيونك غلا كل عالي
لابااس يالي تشتكي البعد لاباس
ذالي شهر مهموم يارااس مالي
واليوم جيتك باجمل شعور احساس
احساس من غالي لجل عين غالي
