مو عادي ،، يطلب بعادي

صار ما يهتم فيني و يعادي

هالمره، صدته مره

عني سد بابه كل ما مرّه

مو منه ، منك العيبه

لا تظلمه لا تعيبه

ما قدرته و تبي يبقى

ياخي والله عجيبة

اهتم فيه ،، كثر ما تغليه

لأن تقصيرك يجرحه و يأذيه

مو لأنه ،، شافك الجنه

تستغل حبه و تنشغل عنه

ادري به يحبني و آنا

دونه ابد ما تهنا

ملك روحي ،، ومن الآخر

عنه ابد ما استغنا

حبي له اكثر و اكبر

من اللي عقله يتصور

وهو داري ،، كم انا أداري

على قلبه اللي هو داري

لا تخسر قلب يحبك

صونه و شيله بقلبك

اذا تغير ،، من اسلوبك

ذنبك ترا ع جنبك