بغنى للحيطان بكلم الدولاب
بحكيله ع اللي راح بحكيله ع اللي ساب
بحكيله ع اللي غاب وخد معاه حجته
بحكيله عن كوكب بحاله عاش معاه وحدته
راح حاضني بين حبة خشب واساني
قالي افرح ده البعاد ترياق محدش ضحي عشاني
اخوك شاف انواع كله رخيص محدش غالي
اما الدنيا تديك وتمشي اوعي يوم تنساني
بلاش تباعد وتزود تجاعيد للخشب
شيال بلاوي الناس و مهكع لكن اتاقل بالدهب
انا اولي من البشر كلمني كله اتغلب
حكاويك عجباني ياصحبي عشمان تدوملي سند
ازاي ادوملك انا مقويني شوية صبر
فيوم هضمك وهمشي هكون هربان م الفقر
انا بتعكز علي حبة كلام ساندني
انا سايب واحدة حبت غيري يبقي الواد مش ابني
-
بحب اني احكي والطبع ده غلاب
وعشان عايش لوحدي حكيت حكاوي للدولاب
فبتنزل دموع بتخربش حيطان الوحدة
كل مرة الكل بيمشي محدش باقي غيرك انت
-
انا زييك شافوني وحش محدش كان ملاك
زي طفل صغير خايف من عفاريت جواك
وطلعت اجدعهم لما كله خدعهم
انا زييك هفضل باقي كمان هكون اخر امالهم
وهتساب لوحدي زي مانا سايبك وماشي
مش هزعل منا سيبتك اعذرني الدنيا تلاهي
مفيش تلاقي ده اللي باقي مني ومنك كان بواقي
بتهون العشرة ياصحبي كله هيمشي
محدش باقي
هنبعد والايام دي ف الدماغ محفورة
اوعدك قبل ما امشي هضحك واخد جنبك صورة
الدنيا رحلة بلف فيها انا مش هغلب
فيها
انا ممكن اتعب حبة وبفهم نفسي ايه يشفيها
هروح وهييجي احسن مني كتيررررررر
احنا ف الحياة فترات لو اللي بيننا كبير
مش هنساك انا دايماً هفضل اسأل
ومش هتمني اشوفك تاني مره ف المستقبل
-
بحب اني احكي والطبع ده غلاب
وعشان عايش لوحدي حكيت حكاوي للدولاب
فبتنزل دموع بتخربش حيطان الوحدة
كل مرة الكل بيمشي محدش باقي غيرك انت
