مفتكرش هقدر ابداء .. حب تاني من جديد

عمرى ما القي حد اصدق .. ماللي قولت كملت بيه

اللي خد مني نص عمري .. وسابلي نص افتكره بيه

حد يوم اديته قلبي .. بس ليه مطمرش فيه

هان عليه بسهولة خاني .. وقالي متعلقش بيه

بعد ايه وليه قتلني .. طب يقولي ذنبي ايه

لسه فاكر يوم ما باعني .. وقسوته بانت عليه

مفتكرش في ليلة عدت .. الا لما حلمت بيه

فات كتير من يوم خيانته .. وبرضو بالي مش ناسيه

ده اللي حلي الكون في عيني .. سبت نفسي ملك ليه

من النهاردة انا قلبي ليا .. عمري تاني ما اقسي عليه