مش عايز حد يقولي احكي علشان فعلا مش لاقي كلام
ولا عايز حد يقول مالك علشان هكدب و ارد تمام
كلنا من جوا اتعورنا و كبرنا و توهنا و كشرنا
مع ذلك بنبان في الصورة اننا عايشين اسعد ايام
معلش ان كنت بقيت ساكت هتكلم ليه
مين فيكم كان موجود جنبي و سندت عليه
مين فيكم كان بيمد ايديه
ده انا كل اللى إحتاجته معايا
حس انى إحتاجته فقام باعد
زي الوتد طول عمري واقف مش بميل
وحيد عاشن قلبي الي كان بيكم زيل
تسقوني ديما المرار وتملي ساكت
شايل همومي ولسه في همومكم بشيل
وان قولت كلامي هيجرحكم وهتبكوا بجد
اصل انا قررت من اليوم ده مبقاش على حد
هتغيبوا هغيب هتسيبوا هسيب
ومعادتش خلاص انا ليا حبيب
مش هسأل لو مسألتوش
وان مت عليا متبكوش
ده انا عايش ميت من الوحدة وعليكو الحق
مش هتحسوني غير يوم قلبي ما يبطل دق
