كإنك جيت هنا غلطة ..

كإنك عكس كل الناس

بتفقد نعمة الإحساس

و تكسب كل يوم قسوة

فارقت الحب من فترة ..

لعنت ف كل نون نسوة

و شوفت الدنيا شئ عادي

لذلك .. قولت ولا تسوى

قبلت عيوب و عديتها

قابلت عيون معديتهاش

حلمت إنك تطول الشمس

بفعل الشمس حلمك باش

راهنت كتير على الأوباش ..

رميت الزهر و إتمنيت

مكنش القصد تجرح حد ..

مكنش القصد تبقى أذيت

فارقت الحب من فترة ..

لعنت ف كل نون نسوة

و شوفت الدنيا شئ عادي

لذلك .. قولت ولا تسوى

قبلت عيوب و عديتها

قابلت عيون معديتهاش

حلمت إنك تطول الشمس

بفعل الشمس حلمك باش

فارقت كتير ... عشان حبيت

عشان حبيت فارقت كتير

مشيت خارج حدود السير ..

لقيت قلبك بقي ف ورطة

كإنك عكس كل الناس ..

كإنك جيت هنا غلطة