انا مش وصولي
مش بجامل لو تيجولي
وعشان كده في المصلحه بتنفضولي
قايم بدوري
بالهداوة مش بزوري
وفي اي حته انزل بتقلي يكون حضوري
وجودي داعم مش بجر ناعم
انا لعبي دولي وانتو لسه في البراعم
ماتخافش مني ده تراك مسالم
انشف شويه انت مش بسكوت نواعم
مش جايه سالكه حاجات كتير كانت وراها
كان صعب اعدي بيها وصعب عليك تقراها
ماتقولش زيي زيك انت ازي ماما
خليك قد اللي جاي و خفف الدراما
نازلين جروب .. نازل بطولي
نجمي عالي وصعب توصلولي
انا مش منافس وانتوا مش هتهزو طولي
مش دور بطولي بس انا اتحرك فضولي
كلامكو بايش م اللي يدوب بغسلة
كلامي 4G ، كلامكو بالمراسلة
انا الجديد زميلي شعبيتكو نازلة
صوتك مهوش واصلي بينا طبقه عازلة
وجودي داعم مش بجر ناعم
انا لعبي دولي وانتو لسه في البراعم
متخفش مني ده تراك مسالم
انشف شوية انت مش بسكوت نواعم
تِشارِك هَشَابِك هَشَكشِك مفيش شَك
تِأو أو تِقَاوح هتقلب لي وشك
انا جاي معاك ع الدوغري مش هغشك
هتزن كتير هاهب فيك و اهشك
ليكو كل شويه تراك بيهرتل بس الاسم في سين
بلالين بتفرقع دوشة ونص الوقت مفسيين
انا بتفرج وانا ساكت بس بسن لكم سكين
دلوقتي بقول ماتردش اخرك بس هتعمل seen
وجودي داعم مش بجر ناعم
انا لعبي دولي وانتو لسه في البراعم
متخفش مني ده تراك مسالم
انشف شوية انت مش بسكوت نواعم
