بتسرح في البحر في قلبك شلالات بتحب فيه اوي وبتلعن في اللي فات بلاش مكالمات هنمشيها تيكستات سالت نفسك ليه بتحب اكتر لو في الشات ركز في الكلام دا بالذات اصله ساعات السماعات بيبقى فيها مسدجات ده مش أي كلام اسمع
حبك للبحر ده عبارة عن أوهام السبب فيه دي علامة استفهام
اصله كبير ومبينطقش مجهول وجاهل مش بيكتب ومبيقرأش وانت بتحس مبتفكرش ولو فكرت مبتقدرش و لو قدرت بتقدر وانت لسه عالبر ناشف مش مبلول قلبك حر بس عقلك هو المشلول بتعلق شمعاتك علي قلبك وتقول هو المسئول وانت واقف يادوب علي البر بتبص تشوف فيه الخير وتشوف فيه الشر
فا تقوم تعيب في اللي داق من شره ولا يوم فكرت لحظة بنفسك تقارنه !
وبرد فعل كله مشاعر مش معقول مسكت في خيره المجهول واقف في وش الكل تقول انا المسئول ومحدش عنه كلام يقول
بص اخينا للبحر وقال
يا الله يا محلاه سرح لابعد منتهاه مد رجله وانا مش عارف ايه وداه عازل نفسه عن الحياة اقرب حد ودنه مش سمعاه عينه مش حابه تكون شايفاه عقله قلعه عالشط رماه
ونزل البحر دماغه حافيه افكاره واقفه مد ايده فردها وكانت المية لسه صافية
علي جسمه المية بتسيل بيحرك ايده في المية وفي دماغه انها بتشيل بص اخينا للبحر وقاله قد ايه انت جميل واتمنى مكونش عليك تقيل بص هناك للبحر بعيد وقاله خدني في حضنك انا حاسس ان انا سعيد وارفع جسمي كمان
حسسني اكتر بالأمان افصلني خليني أعيش لحظة جنان ابعدني عن الدنيا وملعون ابوه ده زمان
مد اخينا رجله وايده ساب دماغه عالشط فعام بقلبه ونفسيته بيبص لقى سمكة كبيرة بين ايده بحسن نية قام بالخير مادد ايده فا سبقت هي عضته فضل يعوم اكتر لحد ما ايديه تعبته لقى نفسه بيغرق اصل كان فاكر ان المية هي اللي كانت شالته اخينا بيغرق ونفسه سألته ده البحر اللي انت حبته ساعتها افتكر اخينا مكنش البحر كانت رجله هي اللي شالته لو كان شغل عقله مكنش حاجة من دي طالته لو كان جمد قلبه مكانتش السمكة عضته البحر كبير فيه الشر اكتر من الخير اخينا لعبة حياتنا دي مش فير اصطادلي عمق كلامي زي الطير عمره منه اتسرق من واحد حب البحر وانقظوه ميت مرة من الغرق
بس حقيقي المرادي الوضع فرق كانت قصيدة كتبتهالكم من علي سفينة خرمتها بايدي عشان حبيت إحساس الغرق
