كانت قصه من بلاد زمان ف كتاب قديم
ولد جدع و ميعيهوش غير التراب مغطي ايديه
اتربي بين زهاد و عاش ف الناس كأنه ملاك
حفظ كتاب الله و صوته غطي السوق ف عام بكاه
و بنت جميله كانت للسلطان خليفه
كات ف عنيها نجوم بتلمع لما تسمع صوته كل ليله
مكنتش تعرف انه صوته بس كان ساحرها
و انت تدري ب ان الصوت سحار قلوب الناس ميلها
و ف يوم طل القمر من فوق كتاف حرس حواليه
غض الولد بصر و قلبه دق صوتها نادي عليه
و لاول مره سيد زهاد يرغب ف شئ ف الدنيا
رلما شاف عنيها كان بيحلف انه شاف الجنه
معرفش يقول ساعتها انه مبيدراش العزف
كان في عنيها سحر سمي نفسه "اخر عازف ع الارض "
قرب صوت الحراس قالتله الليله مش هنام
قالتله روح و روحه راحت .. راحت يا خال
---------------------------------------------
مداقش طعم النوم من يومها غابت واتوحشها
غني و استنالها طله و شباك القصور بعيد
مبقاش عارف يرجع كالاول ولا عارف يكمل
ولا عارف يستحمل الوجع ف قلبه و هي بعيد
اتعلم المعازف و السهر و الغلط
ساب الجامع قلبه شال وساخه حبها و كالمرض
راح بلاط سلطان يعزف ف وسط اوساخ و سكرانين
يمكن ف الدوشه اشوفها صدفه قلبي ميوجعنيش
و شافها طلت بالفستان و قلبه دق تاني
قال بحبك ضحكو الناس و قالو مغنواتي اتسطل
قالتله اوزني دهب قال معييش غير حبة حب :)
صعبت نفسه عليه عيط و حس بـ انه قليل اوي
ندهو الحراس قطعوله ايديه عشان مطالش حبه
قد ما اتوجع عليها قد ما اتكسر بنفسه
ازاي عشقت شيطان غواك هواك بـ عيون جميله
يالي اتخميت ف الناس ملاك حبك اذاك " يا ويلاه "
