الي البنت اللي حبيتها
زعلانه ومن حقك مش هقدر الومك
منا بردو مكنش يصح اغلط فيكي
لكن غلطات اللي يحبك
لاء
تستاهل انها تتفوت
ويستاهل من كرمك زقه
والنهارده انا بعتذر
وجايلك هربان من الدنيا
وم الايام
بطلب منك تيجي معايا
نخرج في اي مكان
نبني حياه جديده
من النهارده
مبقتش هو الشخص بتاع زمان
ايوه اتغيرت
حاسس باني هفوق
حاسس باني هخف
حاسس باني اخف
او اني بيكي خفيف
وان دمعي جه اوانه يجف
وان قلبي اللي اترمي واتداس عليه جمب الرصيف
يتلقي ويطبب عليه
وان المي اللي احتفظ بيا
يتركني ليكي تجددي اماني
وان ياسي بايدك هتدفنيه
واني معاكي هعيش الحلو من تاني
احكي ليكي وتبقي سامعاني
ودي كل امالي المرجوه
وان الوجع ياخد بقا هدنه
وتمري مطره خفيفه
تغسلني من جوا
نفسي بانك تكملي معايا
وتربي الدنيا
وترتبي هوايا
وترتبيلي الالم فا يكون بايدك امل
ويكون معاكي نجاه
بطلب تسامحيني
حقك علي عيني ..
انا منستكيش
وبدونك ايامي حزينه
ومش عارف اعيش
ومش عارف ابطل اني اكدب
واقول ان انا طيب وبخير
انا عايش ميت من بعدك
انا عندي اموت
ولا انك تبعدي عني يا عيني
يا سنيني الحلوه
ودفا ايامي
يا وتيني اللي بدونك ميت
يا ديفندر قلبي وايامي
انا اسف
انا اسف يعني وسامحيني
غلطان
ماهو يعني يا عيني انا بني ادم
لو مغلطتش ابقي حبيبك
راجل وعرف حجم الغلطه
ودلوقتي اهو جي يقول اسف
مش جاي وناوي انه يسيبك
كلمه اسف دي ماهيش سهله
بس انتي لواحدك تستاهلي اقولك اسف
بوجودك
قلبي بتملاه الافراح
وبهدي وبرتاح
ومن غيرك
حياتي مفيش
فا متبعديش
